Ինչպես հայտնի է, Հայաստանում ԱՄՆ դեսպան Ջոն Հեֆերնը օրերս հայտարարել էր այն մասին, որ ԼՂ հիմնախնդրի լուծման համար անհրաժեշտ է Ղարաբաղի հարակից 7 շրջանների վերադարձը:

«Ես և Ուորլիքը (ԵԱՀԿ Մինսկի խմբի ամերիկացի համանախագահը-խմբ.) այն զգացողությունն ունենք, որ երկու կողմերն էլ այդ երկու տարածքները դիտարկում են որպես մեկ ամբողջություն: Եթե երկու կողմերն էլ այդ ընկալմամբ առաջնորդվեն, ապա կարգավորում չի լինի: Կարևոր է բոլորին հասկանալ, որ համաձայնության համար, կապված բուն ԼՂՀ հարցի կարգավորման հետ, կպահանջվի վերադարձնել հարակից 7 տարածքները` հանած միջանցքը, եւ եթե հակամարտության կողմերից որևէ մեկը չի պատկերացնում լուծումն այդ տարբերակով, ապա դրա համար շատ երկար ժամանակ կպահանջվի, հակամարտությունն էլ շատ երկար կտևի»,- մասնավորապես ասել էր դեսպանը:

Դեսպանի այս հայտարարությունը բուռն արձագանք էր գտել հասարակության շրջանում: Ու հաշվի առնելով այդ բուռն արձագանքն ու ՀՀ ԱԳՆ լռությունը՝ «iLur.am»-ը դիմեց ԱԳՆ մամլո ծառայություն՝ խնդրելով մեկնաբանել դեսպանի հայտարարությունն ու այդ կապակցությամբ ներկայացնել ԱԳՆ պաշտոնական դիրքորոշումը: Եւ ահա թե ինչպիսի պատասխան ստացանք.

«Ղարաբաղյան հիմնախնդրի կարգավորման գործընթացում Հայաստանի կողմից հնարավոր զիջումների մասին բազմիցս խոսել են հանարապետության նախագահն ու արտգործնախարարը»։

ilur.am