ՈԱԱԿ-ը բուհերի ներկայացուցիչների հետ քննարկում է հավատարմագրման գործընթացը և հնարավոր բարեփոխումներն`այն առավել արդյունավետ դարձնելու նպատակով:

Հուլիսի 9-ին և 10-ին ՈԱԱԿ-ում տեղի ունեցավ կլոր սեղան-քննարկում բուհերի ներկայացուցիչների և փորձագետների հետ:

«Մեր աշխատակիցներն ուսումնասիրել են ինքնավերլուծությունները և փորձագետների արձագանքները, վեր հանել խնդիրները: Բայց մենք կարևորում ենք նաև հավատարմագրման գործընթացին մասնակցած բուհերի ներկայացուցիչների կարծիքը: Մենք ուզում ենք դիտարկումներ լսել` հասկանալու, թե ինչ խոչընդոտներ են եղել յուրաքանչյուրիդ համար հավատարմագրման գործընթացում, ինչն է ցանկալի փոխել, որպեսզի գործընթացն ավելի արդյունավետ դառնա»,- ասաց ՈԱԱԿ-ի տնօրեն Ռուբեն Թոփչյանն` ողջունելով մասնակիցներին:

Բուհերի ներկայացուցիչները և փորձագետները քննարկեցին հավատարմագրման գործընթացի փուլերը և չափանիշներն ու չափորոշիչները: Նրանց կողմից բարձրաձայնված խնդիրները և ներկայացված առաջարկները հետագայում կուսումնասիրվեն: Սա կնպաստի ՈԱԱԿ-ի ընթացակարգերի ու փաստաթղթերի վերանայման գործընթացին, ինչն էլ իր հերթին հնարավորություն կտա ապահովել հավատարմագրման գործընթացի շարունակական բարելավումը: