Նախագահ Սերժ Սարգսյանն այսօր ընդունել է Հայկական բարեգործական ընդհանուր միության (ՀԲԸՄ) նախագահ Պերճ Սեդրակյանին:

Նախագահ Սարգսյանը բարձր է գնահատել Միության ներգրավվածությունը   համահայկական նշանակության խնդիրների լուծման գործում եւ ասել, որ միշտ էլ հաճելի է լսել նոր ձեռնարկների մասին:  

ՀԲԸՄ նախագահ Պերճ Սեդրակյանը ներկայացրել է Միության ընթացիկ և  առաջիկա ծրագրերը:

Կողմերն անդրադարձել են նաև հայ-թուրքական երկխոսության վերջին զարգացումներին:

Պերճ Սեդրակյանի խոսքով' Հայկական բարեգործական ընդհանուր միության Միությունը, բնականաբար, չի կարող անտարբեր լինել ազգային-քաղաքական խնդիրների հանդեպ և մեծ ուշադրությամբ հետևում է գործընթացին: Նա ասել է, որ Բարեգործականը  սատարում է Հայաստանի եւ Թուրքիայի միջև հարաբերությունների կարգավորմանն ուղղված վերջին արձանագրությունները և կարևորում այն հանգամանքը, որ բանակցությունները չեն պարունակում որևէ նախապայման: