Այսօրվա ասուլիսին «Սպառողների միության» նախագահ Արմեն Պողոսյանը, խոսելով քաղաքային տրանսպորտի թանկացման մասին, նշել է, որ քաղաքապետարանի հրավիրած միջազգային կազմակերպության մասնագետների ուսումնասիրությունը զրոյական արժեք ունի.

«Այդ կազմակերպության աշխատանքը զրոյի է հավասար: Երևանում օրական երթևեկում է շուրջ 600 հազար մարդ. սա ես տարիներ շարունակ ասել եմ, հիմա այս կազմակերպությունն էլ ասել է, որ ուսումնասիրությունից պարզել է, թե օրական 613 հազար մարդ է երթեւեկում: Ի՞նչը փոխվեց: Մեր տրանսպորտը գահավիժում է: Երևանի գլխավոր հատակագծում գրված է` Երևանի միկրոավտոբուսների թիվը պետք է կազմի 19.2%. այս թիվն այսօր 60-65% է, իսկ տրանսպորտային այլ միջոցները` ավտոբուսներ, տրոլեյբուսներ, ավելի քիչ են», – ասել է նա՝ հավելելով, որ միկրովտոբուսների քանակը 19.2% դժվար թե հասնի։

Արմեն Պողոսյանն անընդունելի է համարում տրանսպորտի տարբերակված ուղեվարձը, որոնց տրամադրած ծառայությունների սակագները կորոշվեն ըստ տրամադրվող որակի։