Մասնագիտական զրույցներ անչափահաս դատապարտյալների ճակատագրի վերաբերյալ

● Լրահոս

24.07.2014 ● 14:59

Մասնագիտական զրույցներ անչափահաս դատապարտյալների ճակատագրի վերաբերյալ

Արդարադատության նախարարությունից տեղեկացնում են, որ ՀՀ ԱՆ «Իրավախախտում կատարած անչափահասների հատուկ ստեղծագործական կենտրոն» ՊՈԱԿ-ը և Միջազգային իրավական համագործակցության գերմանական հիմնադրամ IRZ-ը, ՀՀ արդարադատության նախարարության աջակցությամբ, անցկացրել են եռօրյա փորձագիտական խորհրդատվություն` մասնագիտական զրույցներ անչափահասների արդարադատության ոլորտի և պրոբացիոն ծառայության վերաբերյալ: Քննարկմանը ներկա են եղել Գերմանական փորձագետ, Հյուսիսային Հռենոս-Վեստֆալիա երկրամասի ԱՆ աշխատանքների, մանկավարժության և սոց. ծառայության ավագ խորհրդական Ռուդոլֆ Բաումը, ՊՈԱԿ-ի տնօրեն Գայանե Հովակիմյանը և IRZ ՀՀ ծրագրերի համակարգող Նելլի Թումասյանը: ՊՈԱԿ-ի տնօրեն Գայանե Հովակիմյանը ներկայացրել է ոլորտում առկա խնդիրները, ինչպես նաև քրեակատարողական հիմնարկներում սոցիալական ծառայությանն առնչվող հարցեր: Գայանե Հովակիմյանը նշել է, որ բաց քննարկումների արդյունքում կամրապնդվի հետագա փոխգործակցությունը: «Անչափահասների արդարադատությունում և ապագա պրոբացիայի համակարգում շատ կարևոր է սոցիալական վերականգնողական ծառայությունների դերակատարումը: Այս միջոցառումը ևս մեկ հնարավորություն է ծանոթանալ առաջավոր փորձին: Կենտրոնն արդեն իսկ գնում է այս ոլորտում զարգացող մասնագիտական նոր մոտեցումների, փորձի և ծառայությունների խթանման ճանապահով»,- տեղեկացրել է Գայանե Հովակիմյանը: Գերմանացի գործընկերների ներկայացմամբ հիմնականում անչափահաս դատապարտյալները ոչ լիարժեք ընտանիքներից են, կամ ունեն սոցիալական խնդիրներ: Նրանց հետ տարվում են հոգեբանական համակարգված վերականգնողական աշխատանքներ, մշակվում է անհատական ծրագիր:

Դատապարտյալին հասարակություն ինտեգրելու մոտեցումները, ինչպես ցույց տվեց հայ և գերմանացի մասնագետների փորձի փոխանակումը, գրեթե նույնական է արվեստի դերը վերականգնողական աշխատանքներում շեշտադրելու հարցում: Երկուստեք փորձը ցույց է տալիս, որ որոշակի տարիքում անչափահասին արվեստի հանդեպ հետաքրքրություն հաղորդելը հետագայում զերծ է պահում նրան կրկնահանցագործությունից: Ծրագրի շրջանակում խումբն այցելել է ՄԱԿ-ի հայաստանյան գրասենյակ, ՀՀ արդարադատության քրեակատարողական վարչություն, «Փի-Էյչ Ինթերնեշնլ» հայկական մասնաճյուղ և Եվրոպայի Խորհուրդ: Փորձագետ Ռուդոլֆ Բաումի գնահատմամբ` տարաբնույթ հանդիպումներն ու քննարկումները խթանում են տեղական, համայնքային և միջազգային կառույցների հետ ծրագրի համալիր և շարունակական լինելը, ինչի արդյունքում ամրապնդվում է գործընկերությունը պետական, հասարակական կառույցների հետ: Ռուդոլֆ Բաումը կարևորել է ոլորտի միջազգային փորձի փոխանակումը Հայաստանի Հանրապետության և Գերմանիայի Դաշնության միջև: Հանդիպման ընթացքում Բաումը կարևորել է նաև պրոբացիոն ծառայության գերմանական փորձը և ներկայացրել Գերմանիայում իրավախախտում կատարած անձանց վերականգնողական կենտրոնների աշխատանքը: Փորձագետի դիտարկմամբ` առկա փորձի հիման վրա կմեծանա երկու պետությունների զարգացման հեռանկարները, նշելով, որ այս այցելությունների դերակատարությունը հիմք է կայուն փոխգործակցության հարցում:

● Այս խորագրի վերջին նյութերը

Գյումրին ունի զարգացման հսկայական պոտենցիալ. Անդրանիկ Թևանյան (տեսանյութ)

22.12.2024 ● 13:18

Քաղաքի զարգացման ծրագրի վերաբերյալ Գյումրիում տեղի ունեցավ շատ արդյունավետ մասնագիտական քննարկում։

Թուրքիայի Մուղլա քաղաքում ուղղաթիռը բախվել է հիվանդանոցի շենքին, 4 մարդ է զոհվել (տեսանյութ)

22.12.2024 ● 13:07

Վթարի պատճառները պարզվում են։

Քասախի բնակարաններից մեկում հայտնաբերվել է տղամարդու մարմին

22.12.2024 ● 12:48

Արտաքին զննությամբ դիակի վրա բռնության հետքեր չեն հայտնաբերվել։

Վանաձորում սննդային թունավորման դեպք է արձանագրվել․ 10 քաղաքացի տեղափոխվել է հիվանդանոց

22.12.2024 ● 12:20

Տուժած քաղաքացիները սնվել են Վանաձորի կենտրոնական շուկայի տարածքում գործող հանրային սննդի կետում:

ՀՀ տարածքում կա փակ ավտոճանապարհ, Ստեփանծմինդա-Լարս ավտոճանապարհը բաց է

22.12.2024 ● 11:37

Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:

Երևանում 16-ամյա աղջիկը բռնության է ենթարկվել. նա մեծ քանակությամբ դեղորայք է խմել ու հոսպիտալացվել

22.12.2024 ● 11:01

Ըստ տեղեկությունների՝ նրա նկատմամբ բռնություն է իրականացվել, ինչից հետո նա դիմել է այդ ծայրահեղ քայլին:

Լեյլա տատիկի թոշակն անգամ չէին տալիս (տեսանյութ)

Գումարը դուրս գրված է, սակայն աշխատանքն արված չէ (տեսանյութ)

Գյումրիում տեղի է ունեցել քաղաքի զարգացման ծրագրի քննարկում (լուսանկար)

● Լրահոս