Ավելի քան 80 մլն դրամի հափշտակության փաստը հաստատվեց

● Լրահոս

26.07.2014 ● 14:10

Ավելի քան 80 մլն դրամի հափշտակության փաստը հաստատվեց

Շիրակի մարզի դատարանը կայացրել է սոցիալական ոլորտում չարաշահումների վերաբերյալ հերթական գործով դատավճիռը՝ 4 ամբաստանյալի վերաբերյալ, որով հաստատված է համարել առավել քան 80 մլն դրամի հափշտակության փաստը:

Դատարանը ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Գյումրու տարածքային բաժնի արդեն նախկին պետ Էդուարդ Վարժապետյանին հանցավոր է ճանաչել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով՝ առանձնապես խոշոր չափերով յուրացնելը կամ վատնելը, և դատապարտել ազատազրկման՝ 4 տարի ժամկետով՝ առանց գույքի բռնագրավման:

Միաժամանակ նրա նկատմամբ կիրառվել է ՀՀ Ազգային Ժողովի՝ 03.10.2013 թվականի «ՀՀ անկախության հռչակման 22-րդ տարեդարձի կապակցությամբ համաներում հայտարարելու մասին» որոշումը, և նա ազատվել է նշանակված պատժի կրումից:

ՀՀ աշխատանքի և սոցիալական հարցերի նախարարության սոցիալական ապահովության պետական ծառայության Գյումրու տարածքային բաժնի նախկին գլխավոր մասնագետ Արթուր Աբրահամյանը հանցավոր է ճանաչվել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով և դատապարտվել ազատազրկման՝ 4 տարի ժամկետով՝ առանց գույքի բռնագրավման:

ՀՀ աշխատանքի և սոցիալական հարցերի նախարարության սոցիալական ապահովության պետական ծառայության վճարումների ծառայության Գյումրու տարածքային ստորաբաժանման նախկին տեսուչ-վճարող Կիմա Փիլոյանը հանցավոր է ճանաչվել՝ ՀՀ քրեական օրենսգրքի 325-րդ հոդվածի 1-ին մասով՝ փաստաթղթեր կեղծելը, և դատապարտվել ազատազրկման՝ 1 տարի ժամկետով: Սակայն ՀՀ Ազգային Ժողովի՝ 26.05.2011 թվականի «ՀՀ անկախության հռչակման 20-րդ տարեդարձի կապակցությամբ համաներում հայտարարելու մասին» որոշման կիրառմամբ ազատվել է այդ մեղադրանքի մասով նշանակված պատժի կրումից:

Կիմա Փիլոյանը հանցավոր է ճանաչվել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով և դատապարտվել ազատազրկման՝ 4 տարի ժամկետով՝ առանց գույքի բռնագրավման:

ՀՀ աշխատանքի և սոցիալական հարցերի նախարարության սոցիալական ապահովության պետական ծառայության վճարումների ծառայության Գյումրու տարածքային ստորաբաժանման նախկին պատասխանատու Ռուբեն Մնացականյանը հանցավոր է ճանաչվել ՀՀ քրեական օրենսգրքի 308-րդ հոդվածի 2-րդ մասով՝ պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ, և դատապարտվել ազատազրկման 3 տարի ժամկետով: Նա միաժամանակ զրկվել է ֆինանսատնտեսական գործունեությամբ զբաղվելու իրավունքից՝ 2 տարի ժամկետով:

Դատավճռով մասնակի բավարարվել է ՀՀ Գլխավոր դատախազության քաղաքացիական հայցը և Արթուր Աբրահամյանից, Կիմա Փիլոյանից ու Ռուբեն Մնացականյանից համապարտության կարգով հօգուտ ՀՀ պետբյուջեի պետք է բռնագանձվի 54.608.394 ՀՀ դրամ:

Մանրամասները՝ pastinfo.am-ում։

● Այս խորագրի վերջին նյութերը

24-ամյա երիտասարդն աչքի հրազենային վնասվածքով տեղափոխվել է հիվանդանոց

19.11.2024 ● 16:07

Դեպքի փաստով ոստիկանության Էրեբունու բաժնում փաստաթղթեր են կազմվել, որոնք փոխանցվել են ՀՀ ՆԳՆ ոստիկանության համայնքային ոստիկանության գլխավոր վարչության Գառնիի բաժին:

Նման իրավիճակները բացասաբար են անդրադառնում ոչ միայն մեր թիմի, այլև մեր երկրի վարկանշի վրա. Վազգեն Թևանյան

19.11.2024 ● 14:49

Նոյեմբերի 20-24-ը Երևանում կանցկացվի բանակայինների աշխարհի առաջնությունը։ Ցավոք, մեր թիմն իր ուժեղագույն կազմով չի մասնակցի այս միջոցառմանը։

Ռուսաստանն իրեն իրավունք է վերապահում օգտագործել միջուկային զենք. որոշում

19.11.2024 ● 14:42

Ագրեսիայի զսպումն ապահովում է Ռուսաստանի Դաշնության ռազմական հզորությունը, ներառյալ միջուկային զենքը։

Տիգրան Ավինյանը խուսափեց Անդրանիկ Թևանյանի հետ բանավեճից (տեսանյութ)

19.11.2024 ● 14:35

Ավինյանը խուսափեց բանավեճին մասնակցելու հրավերից։

Կինոռեժիսոր Սամվել Թադևոսյանը կոչ է անում միանալ տրանսպորտի թանկացման դեմ ստորագրահավաքին (տեսանյութ)

19.11.2024 ● 13:05

Կինոռեժիսոր, ՀՀ կինոգործիչների միության անդամ Սամվել Թադևոսյանը կոչ է անում միանալ տրանսպորտի թանկացման դեմ քաղաքացիական նախաձեռնությանը։

Երվանդ Քոչարի թանգարանից անհետացել են նկարչի 7 ստեղծագործություններ՝ մոտ 500.000 դոլար արժողության

19.11.2024 ● 12:57

Երվանդ Քոչարի ժառանգությունը վտանգված է, Հայաստանի պետությունը կարող է կանգնել փաստի առաջ։

Երևանում անանցանելի խցանումներ են (տեսանյութ)

«Թավշյա» օլիգարխները դեմագոգ թալանչիներ են․ Անդրանիկ Թևանյան (տեսանյութ)

Կենդանասերները բողոքի ակցիա են իրականացնում քաղաքապետարանի մոտ (տեսանյութ)

● Լրահոս