Այսօրվա ասուլիսին Հայաստանի գործատուների միության նախագահ Գագիկ Մակարյանը, խոսելով ներդրումների մասին, նշել է, որ Հայաստանը վատ է ներկայացնում իր առավելությունները. «Կան առավելություններ, որոնք մենք՝ որպես պետություն, կարող ենք ավելի պրոֆեսիոնալ ներկայացնել: Ներդրումների մասին պետք է ներկայացնել գործընթացների որոշակի փաթեթ, որոնք պետք է իրականացնեն պետական համապատասխան մարմինները, այսինքն՝ Կառավարությունը, համապատասխան նախարարները, նաև՝ մեր նման կազմակերպությունները, որպեսզի այդ շղթայական ձևը պահպանվի, և հորդորման մեխանիզմը հասնի մինչև վերջ»։

Բանախոսը շեշտել է նաև որոշակի առանձնահատկությունների մասին. «Առաջինը՝ որ կարող ենք աշխատուժի վրա հույս դնել: Նաև այն, որ եկամտահարկը, համեմատած եվրոպական երկրների հետ, բավական ցածր է: Իսկ երրորդ գործոնը փոքր բիզնեսին տրված որոշակի արտոնություններն են», – ապա հավելել, որ փոքր բիզնեսի պայմանները կարող են դառնալ լավ կամուրջ մեծ բիզնեսի ներդրումների համար։

Մինասյանը նշել է նաև, որ նախորդ տարի ներդրումները եղել են հեռահաղորդակցության, ալկոհոլային խմիչքների, անշարժ գույքի գնումների և հանքարդյունաբերության ոլորտներում:

Ասուլիսի մեկ այլ բանախոս Միսակ Թեբելեկյանն էլ՝ «Միթեփ» ընկերության հիմնադիր տնօրենը, կոչ է արել ներդրումներ կատարել գոնե հայրենասիրությունից ելնելով։

7or.am