Բացառապես գործող իշխանության վերարտադրման նպատակով սահմանադրական փոփոխությունների անցկացման հիմնական հիմնավորումը «մարդակենտրոնությունն» է: Գեղեցիկ բառ է: Ոնց էլ մտքներով անցել է:

Եվ ո՞վ է առաջարկում «ազատվել պետական կառավարման համակարգի միջին օղակներում գտնվող բորենիներից»:

Ոզում եք ասել՝ մարդակենտրոն գաղափարի կրո՞ղն եք: Ծիծաղելի է:

Սաշիկ Սարգսյանը՝ մարդակենտրո՞ն։ Թե՞ փայակենտրոն։ Թող այս հարցը սահմանադրական փոփոխությունների հանձնաժողովը որոշի։

Տնտեսական աննախադեպ անկման, արտաքին քաղաքականության ամբողջական ձախողման, քաղաքական վերնախավի «բեսպրեդելի», արտագաղթի, անկումային տրամադրությունների պատասխանատուները խոսում են մարդակենտրոնությունից:

Ազգը արտագաղթում է, իրենք՝ հարստանում: Շա՜տ մարդակենտրոն է:

Իրականում ո՞վ է բորենին, հը՞, պարո՛ն ՍԴ նախագահ: Բորենին է ընկած լեշը կրծում այնպես, ինչպես աղքատների հաշվին հարստանում են իշխանական վերնախավի կարկառուն դեմքերը։

6 տարի շարունակ բացառապես ձախողումներ: Ու հանկարծ պարզվում է, որ մեղավորը գործող Սահմանադրությունն է...

Մի խոսքով, դուք չպե՛տք է վերարտադրվեք։ Հանուն մարդակենտրոնության։

Վախթանգ Մարգարյան