«Օֆշորային» սկանդալով հայտնի գործարար Աշոտ Սուքիասյանին միանշանակ վախեցրել են թե՛ նախկին վարչապետ Տիգրան Սարգսյանը, ով հիմա ԱՄՆ-ում Հայաստանի դեսպանն է, թե՛ Կճոյանը, թե՛ բանկի աշխատակիցները: Այս մասին SHAMSHYAN.com-ի թղթակից հետ զրույցում ասաց սնանկացման եզրին կանգնած գործարար Փայլակ Հայրապետյանը:
«Նրանց համար Աշոտ Սուքիասյանի ճիշտ ցուցմունքները մեռնելուն հավասար են, բա վախեցրած չե՞ն լինի»,- ասաց Փ. Հյարապետյանը։ Նա նշեց, որ Աշոտ Սուքիասյանի տված ցուցմունքներն արժանահավատ չի համարում եւ սպասում է նրա հետ առերեսմանը, որ նրա աչքերի մեջ նայելով՝ նրան լսի: Ինչպես նաեւ փոխանցեց, որ մյուս շաբաթ, ամենայն հավանականությամբ, իրեն կհրավիրեն հարցաքննության:
Մինչ այդ Աշոտ Սուքիասյանի փաստաբան Յուրիկ Խաչատրյանն ասել էր, որ իր պաշտպանյալն իրեն մեղավոր չի ճանաչել: Հարցին, թե ցուցմունքներում Ա. Սուքիասյանը ՀՀ նախկին վարչապետ Տիգրան Սարգսյանին եւ Նավասարդ Կճոյանին հիշատակե՞լ է արդյոք, նրանց հարցաքննության կանչելու անհրաժեշտություն կա՞, թե՞ ոչ, ասել էր. «Ո՛չ, նա նրանց չի հիշատակել, հետեւաբար նրանց հարցաքննելու անհրաժեշտություն չկա»:
Մանրամասները` shamshyan.com-ում