Մահացած հայ գերու ընտանիքը դիմել է Մարդու իրավունքների եվրոպական դատարան

● Լրահոս

10.09.2014 ● 16:06

Մահացած հայ գերու ընտանիքը դիմել է Մարդու իրավունքների եվրոպական դատարան

Ադրբեջանական գերության մեջ դաժան վերաբերմունքի ենթարկված տարեց հայ գյուղացի Մամիկոն Խոջոյանի գործը հինգշաբթի օրը պաշտոնապես ուղարկվեց Մարդու իրավունքների եվրոպական դատարան (ՄԻԵԴ): Խոջոյանի երեք զավակները գանգատ են ներկայացրել «Ընդդեմ իրավական կամայականության» ՀԿ և «Մարդու իրավունքների պաշտպանության եվրոպական կենտրոն»-ի աջակցությամբ:

«Սա առանձնահատուկ դաժանության վառ օրինակ է անօգնական 77-ամյա մարդու նկատմամբ»,-ասաց ՄԻՊԵԿ իրավախորհրդատու Վահե Գրիգորյանը, ով ներկայացնելու է Խոջոյանի ընտանիքը Եվրոպական դատարանում:

«Մենք աջակցում ենք մեր գործընկեր ԸԻԿ-ին Ստրասբուրգում գտնվող Մարդու իրավունքների եվրոպական դատարանի առջև` Խոջոյանի ընտանիքի համար արդարության հասնելու նպատակով»:

«Խոջոյանը գերության սկզբից ևեթ ենթարկվել էր դաժան և վատ վերաբերմունքի, ինչը վերջնական արդյունքում հանգեցրեց նրա մահվան,-ասաց ԸԻԿ փաստաբան Քրիստինա Գևորգյանը,-մենք դիմում ենք ՄԻԵԴ` Ադրբեջանի կառավարությանը պատասխանատվության կանչելու իր կատարած ծանր հանցագործության համար և ապահովելու, որ վերջ դրվի այդպիսի վերաբերմունքին»։

Հայցվորները գանգատում ներկայացնում են Խոջոյանի խոշտանգման ապացույցներ, ինչպես նաև ցուցադրում են իշխանությունների կողմից Բաքվում անմեղ հայերի նկատմամաբ իրականացվող դաժան վերաբերմունքի պարբերական պատկերը:

Հունվար ամսին Խոջոյանի գերեվարումից հետո այլ անձիք ևս գերի են ընկել Ադրբեջանում` ենթարկվելով հրապարակային նվաստացման և վատ վերաբերմունքի: Վերջին դեպքերից մեկի ժամանակ Չինարի գյուղի բնակիչ Կարեն Պետրոսյանը գերեվարվել է սահմանի մոտ և հեռուստատեսությամբ ներկայացվել է որպես «դիվերսանտ», իսկ բանտարկությունից մեկ օր հետո՝ սպանվել:

Խոջոյանի ընտանիքը պահանջում է Ադրբեջանի կառավարության նկատմամբ քրեական հետապնդում Մարդու իրավունքների եվրոպական կոնվենցիայի 2-րդ, 3-րդ, 5-րդ, 13-րդ և 14-րդ հոդվածներով, որոնք արգելում են սպանությունը, խոշտանգումը, անմարդկային վերաբերմունքը և խտրականությունը: Նրանք նաև կոչ են անում լսել Ադրբեջանի իշխանությունների կողմից խոշտանգումների ենթարկված քաղաքացիների համանման գործերը, ներառյալ Արթուր Բադալյանի և Կարեն Պետրոսյանի:

ՄԻԵԴ-ը քննարկելու է գանգատը ընդունելիության տեսանկյունից, որից հետո կարող է սկսվել դատական գործընթացը, և կայացվել պարտավորեցնող վճիռ:

● Այս խորագրի վերջին նյութերը

Գյումրին՝ փոփոխությունների շեմին (լուսանկար)

22.12.2024 ● 21:53

Գյումրիի խնդիրները պետք է դիտարկել երկու հարթության վրա:

Գյումրին՝ փոփոխությունների շեմին (լուսանկար)

22.12.2024 ● 21:51

Գյումրիում տեղի ունեցած քննարկումների արդյունքնում շատ հետաքրքիր մտքեր են ծնվել, որը շուտով կհանձնվի գյումրեցիների դատին։

Վրաստանի նախագահը պետք է որոշի՝ ցանկանում է իր կյանքը շարունակել ճաղերի հետևո՞ւմ, թե՞ ազատության մեջ. Կոբախիձե

22.12.2024 ● 18:03

Վրաստանի վարչապետը նախագահին սպառնացել է քրեական պատասխանատվությամբ, եթե նա նոր ընտրություններ նշանակի:

Գյումրին ունի զարգացման հսկայական պոտենցիալ. Անդրանիկ Թևանյան (տեսանյութ)

22.12.2024 ● 13:18

Քաղաքի զարգացման ծրագրի վերաբերյալ Գյումրիում տեղի ունեցավ շատ արդյունավետ մասնագիտական քննարկում։

Թուրքիայի Մուղլա քաղաքում ուղղաթիռը բախվել է հիվանդանոցի շենքին, 4 մարդ է զոհվել (տեսանյութ)

22.12.2024 ● 13:07

Վթարի պատճառները պարզվում են։

Լեյլա տատիկի թոշակն անգամ չէին տալիս (տեսանյութ)

22.12.2024 ● 12:57

Խռոված էր` ամբողջովին գիտակցում էր, որ օգտագործվել է ու նվաստացվել։

Կարմիր գծերի դեմ պայքարը շարունակվում է (տեսանյութ)

Հերթական ապօրինի ու քաղաքացուն տուգանքի մատերիալ դարձնող օրինագծի փուչիկը պայթեց (տեսանյութ)

Գումարը դուրս գրված է, սակայն աշխատանքն արված չէ (տեսանյութ)

● Լրահոս