Երեւանի բնակիչ, նախկինում խարդախության համար դատապարտված, 1983 թ. ծնված  Սերգեյ Սամվելյանը չարաշահելով մի քաղաքացու վստահությունը, նրա համար բնակարան գնելու և հիփոթեքային վարկ ձևակերպելու պատրվակով, 2010 թ. մայիսին որպես կանխավճար մաս-մաս վերցրել է  660.000 դրամ ու հափշտակել: Փաստի առթիվ ոստիկանության Շենգավիթի քննչական բաժնում  հարուցվել է քրեական գործ, կատարվում է նախաքննություն£ Ովքեր տուժել են Սերգեյ Սամվելյանի հանցավոր գործողություններից, կարող են դիմել ոստիկանության Շենգավիթի քննչական բաժին՝ Գարեգին Նժդեհի 27 հասցեով, կամ զանգահարել 44-27-91, 091-30-08-09 հեռախոսահամարով:

Վահրամ Գեւորգյանը նախնական համաձայնության գալով Մամիկոն եւ Յուրի Մարտիրոսյանների հետ, չարաշահելով մի քաղաքացու վստահությունը, նրան ներկայանալով որպես ավտոմեքենաների առուվաճառքով զբաղվող, 2010 թ. փետրվարի 15-ին վերջինիս ՙՖոլքսվագեն՚ ավտոմեքենան գնելու պատրվակով գրավադրել են, ստացել 5.388.800 դրամ ու հափշտակել:

Փաստի առթիվ ոստիկանության Կենտրոնականի քննչական բաժնում հարուցվել է քրեական գործ,   կատարվում է նախաքննություն:

Ովքեր տուժել են Վահրամ Գեւորգյանի, Մամիկոն եւ Յուրի Մարտիրոսյանների հանցավոր գործողություններից, կարող են դիմել ոստիկանության Կենտրոնական բաժին կամ զանգահարել 57-02-02, 56-02-02, 55-26-80 հեռախոսահամարներով: