19.09.2009 ● 15:48
15.11.2024 ● 09:26
15.11.2024 ● 08:59
15.11.2024 ● 07:02
15.11.2024 ● 06:54
14.11.2024 ● 15:46
14.11.2024 ● 15:38
14.11.2024 ● 15:01
Քաղաքապետի ուղերձը Անկախության տոնի առիթով
Երևանի քաղաքապետ Գագիկ Բեգլարյանը շնորհավորական ուղերձ է հղել Անկախության տոնի առիթով: Ուղերձում մասնավորապես նշված է.
«Հարգելի հայրենակիցներ, շնորհավորում եմ մեր նորագույն պատմության կարևոր ձեռքբերման ու հաղթանակի՝ Անկախության հռչակման 18-րդ տարեդարձի առթիվ:
Սեպտեմբերի 21-ը հայ ժողովրդի պատմության լուսավոր էջերից է, որ իրականություն դարձրեց տասնյակ սերունդների երազանքը' Անկախ ու Ազատ Հայրենիքի հռչակումը:
Տոնի առիթով երախտագիտության և հիշատակի խոսքեր պետք է ասել նրանց հասցեին, ովքեր հերոսացան ու նահատակվեցին հանուն Հայաստանի: Այսօր, կառուցելով ու զարգացնելով մեր անկախ երկիրը, նաև կատարում ենք այդ հերոսների պատվիրանը՝ վառ պահելով նրանց հիշատակը: Հիմա արդեն խաղաղ պայմաններում ենք պարտավոր շարունակել նրանց գործը՝ հանուն մեր երկրի, մեր անկախության, մեր պատմության:
Կրկին շնորհավորելով տոնի առթիվ՝ վստահություն եմ հայտնում, որ միասնաբար ու համերաշխորեն շարունակելու ենք կերտել խաղաղ ու ապահով Հայաստան»։
Երևանի քաղաքապետարանի տեղեկատվության
և հասարակայնության հետ կապերի վարչություն