Թուրքիայի վարչապետ Ռեջեփ Թայիփ Էրդողանը «TrendNews» գործակալությանը տված հարցազրույցում ասել էր, որ Հայաստանի և Թուրքիայի արտգործնախարարները կհանդիպեն հոկտեմբերի 10-ին կամ 11-ին և նախնական փաստաթուղթ կստորագրեն։

Մեկնաբանելով այս հայտարարությունը՝ «Ժառանգություն» խմբակցության քարտուղար Լարիսա Ալավերդյանն «Արցախ» ակումբում «7օր»-ին ասել է.

-Ես այսօր միտված եմ մտածելու, որ առնվազն կստորագրվի։ Թուրքիան ավելի է արագացնում այս գործընթացը հասկանալի պատճառներով։

Ըստ որոշ տեղեկությունների՝ մինչ հոկտեմբերի 14-ին Թուրքիա այցելելը ՀՀ նախագահ Սերժ Սարգսյանը պետք է հանդիպի Ադրբեջանի նախագահ Իլհամ Ալիևի հետ։ «Այդ հանդիպման ժամանակ ԼՂ-ի վերաբերյալ որևէ փաստաթուղթ կստորագրվի՞» հարցին էլ Լ. Ալավերդյանը պատասխանել է.

-Ես չունեմ համոզմունք, որ չի ստորագրվի։

«Ժառանգություն» խմբակցության քարտուղարը միաժամանակ նշել է, որ եթե անգամ որևէ փաստաթուղթ ստորագրվի, ապա այն «միջազգային իրավունքի նորմերով կլինի առ ոչինչ», սակայն նաև վտանգ կա, որ այդ «առ ոչինչ» փաստաթուղթը միջազգային ճնշմամբ կարող է կյանքի կոչվել։

7or.am