-Անձամբ ես որևէ վտանգ չեմ տեսնում՝ բացի օգուտից,- «Հայացք» մամուլի ակումբում ասել է Ազգային անվտանգության խորհրդի արտաքին անվտանգության վարչության պետ Միշա Մելքոնյանը՝ խոսելով Հայաստան-Թուրքիա հարաբերությունների հաստատման ներկայում ընթացող գործընթացի մասին.

-Եթե անգամ հարցեր ծագեն այդ ստորագրումից հետո, ի՞նչն է մեզ խանգարում ցանկացած պահի հետ կանգնելուց։ Բայց եթե մեր ամբողջ պետական համակարգը նպատակաուղղված պատրաստվում է դրան, բացի օգուտներից մենք բացարձակ որևէ վնաս չենք ունենա։

Մ. Մելքոնյանը նաև հավելել է, որ հայ-թուրքական սահմանից 150-200 կմ հեռավորության վրա գտնվող տարածքը համարվում է փակ գոտի, որտեղ, նրա խոսքերով, թուրքական կողմը զինված ուժերի հսկայական կուտակումներ է իրականցնում։ Իսկ դիվանագիտական հարաբերությունների հաստատման գործընթացի բարեհաջող ավարտից հետո, երբ տեսչությունների լիարժեք փոխանակում կլինի, հայկական կողմն էլ ամբողջական տեղեկատվություն ստանալու հնարավություն կունենա, Հայաստանի «անվտանգության երաշխիքներին կավելացնի ևս մեկ տարր»։

7or.am