ՀՀ ֆինանսների մամուլի ծառայությունից տեղեկացնում են, որ 2009 թվականի հունվար-սեպտեմբեր ամիսների ընթացքում ՀՀ ֆինանսների նախարարության կողմից տրվել է 11 շահումով խաղի և 4 խաղատան կազմակերպման լիցենզիա, իսկ 30 շահումով խաղի և 9 խաղատան կազմակերպման լիցենզիաներն ուժը կորցրած են ճանաչվել: Նույն ժամանակահատվածում 33 շահումով խաղի, 1 խաղատան և 1 վիճակախաղի կազմակերպման լիցենզիաների գործողությունը կասեցվել է, նախազգուշացում է կիրառվել 24 շահումով խաղի, 1 խաղատան և 1 վիճակախաղի կազմակերպման լիցենզիաների նկատմամբ:

Ընթացիկ տարվա հունվար-սեպտեմբեր ամիսներին 13 մլն 900 000 դրամի չափով տուգանք է կիրառվել շահումով խաղի կազմակերպիչների նկատմամբ, 6 մլն 700 000 դրամ՝ խաղատան կազմակերպիչների և 300 000 դրամ վիճակախաղերի կազմակերպիչների նկատմամբ:

01.01.2009-01.10.2009թթ. ընթացքում այս ոլորտից օրենքով սահմանված կարգով գանձվել է 540.0 մլն դրամի չափով պետական տուրք, որից 315.0 մլն դրամը՝ շահումով խաղերի, 225.0 մլն դրամը՝ խաղատների գծով:

Ս.թ. հոկտեմբերի 1-ի դրությամբ ՀՀ տարածքում ուժի մեջ են 98 շահումով խաղի, 10 խաղատան և 4 վիճակախաղի կազմակերպման լիցենզիաներ: