«Բարգավաճ Հայաստան» կուսակցության նախագահ Գագիկ Ծառուկյանը լրագրողների հետ ճեպազրույցի ժամանակ խոսեց նաև վերջերս ինտերնետում տեղադրված այն տեսաժապավենի մասին, որտեղ երկու առյուծ տանջում են մի ավանակի։

 -Մարդիկ ընկնում են շանտաժի հետևից։ Հենց հիմա լրագրողներին հրավիրում եմ՝ գան, տեսնեն, թե Ծառուկյանի այգում ինչ կենդանիներ կան։ Իմ կենդանիներն ու ձեր տեսած կենդանիներն ուրիշ են: Ես սպիտակ առյուծ, սպիտակ վագր եմ պահում: Ես կենդանի պահող մարդ եմ ու նրանց էլ շատ եմ սիրում, առավել ևս՝ առյուծին՝ որպես հզոր կենդանի։ Ինչպե՞ս կարող եմ նման բաներ թույլ տալ:
-Ինչո՞ւ եք կենդանիներ պահում:
-Սիրում եմ, պահում եմ։ Դա արգելվա՞ծ է օրենքով:
-Իսկ ինչո՞վ եք նրանց կերակրում:
-Հորթի մսով: Օրեկան ամեն մեկին 10 կգ թարմ միս եմ տալիս: Կարող եք գալ, տեսնել, հիանալ, որ մարդիկ իրենց տներն այդպես չեն պահում, իսկ Ծառուկյանն իր կենդանիներին այդքան լավ է պահում: Կենդանին լեզու չունի, ու եթե պահում ես, պետք է լավ պահես:
 -Իսկ եթե գազանանոցին նվիրե՞ք:
 -Այնքա՜ն եմ նվիրել։ Հիմա իրենք տեղ չունեն, թե չէ էլի կնվիրեմ: «Շանթ» հեռուստաընկերության Նվերի հետ էլ էր դեպք պատահել, Ծառուկյանի վրա էին գցում, բայց Գագիկ Ծառուկյանն ինչ որ անում է, բացահայտ ասում է: Հիմա «ստից» բան են ման գալիս, որ ինձ կպցնեն, բայց չոր բանը մարդու վրա չի կպնում:

7or.am