Տիգրան Խաչատրյանը Հայաստանում չէ

● Լրահոս

14.05.2015 ● 22:05

Տիգրան Խաչատրյանը Հայաստանում չէ

ՀՀ քննչական կոմիտեի հատկապես կարևոր գործերի քննության գլխավոր վարչության վարույթում շարունակվում է Գորիսի «Սդղի գյոլ» կոչվող տարածքում մայիսի 2-ին տեղի ունեցած խուլիգանության դեպքի առթիվ հարուցված քրեական գործի նախաքննությունը, որի շրջանակներում կատարվում են անհրաժեշտ քննչական եւ դատավարական միջոցառումներ՝ օբյեկտիվ իրականությունը պարզելու ուղղությամբ։

Նախաքննության ընթացքում բազմաթիվ անգամ ստուգվել են կասկածելի անձանց բնակարանները՝ նրանց հայտնաբերելու նպատակով։ Հաշվի առնելով հանրության հետաքրքրությունը՝ տեղեկացնում ենք, որ ՀՀ կառավարությանն առընթեր ոստիկանությունից ստացվել է գրավոր պատասխան, որ այն անձինք, որոնց հարկադիր բերման ենթարկելու մասին որոշում է կայացվել քննիչի կողմից, չեն կարող ներկայացվել վարույթն իրականացնող մարմնին, քանի որ մայիսի 8-ից բացակայում են հանրապետությունից։ Նախաքննական մարմինը ձեռնարկել եւ ձեռնարկում է օրենքով նախատեսված բոլոր միջոցառումները՝ միջադեպին մասնակից կամ հնարավոր մասնակցություն ունեցած բոլոր անձանց վարույթն իրականացնող մարմնին ներկայացնելու ուղղությամբ։

Քննչական կոմիտեն, քրեական գործով նախատեսված գործողությունների եւ միջոցառումների քննչական պլանի համաձայն, իրականացնում է բոլոր անհրաժեշտ միջոցառումները՝ կատարված հանցագործության բոլոր հանգամանքները պարզելու համար։ Քննության շահերից ելնելով՝ արդյունքների մասին նախաքննության այս փուլում առավել մանրամասն տեղեկություններ չեն կարող հրապարակվել: Միաժամանակ հաշվի առնելով հասարակական մեծ հնչեղությունը՝ քննության արդյունքներով կայացված դատավարական որոշումների մասին հանրությունը կիրազեկվի։

ՀՀ քննչական կոմիտե

● Այս խորագրի վերջին նյութերը

Նոր ձերբակալություն՝ Կենտրոն վարչական շրջանի աշխատակազմում

25.11.2024 ● 16:16

Նրա նկատմամբ որպես խափանման միջոց է ընտրվել կալանավորումը։

Ահա այսպիսի տրանսպորտն են ուզում թանկացնել (տեսանյութ)

25.11.2024 ● 13:55

Ստորագրահավաքը շարունակվում է։

Կարբիում բախվել են «Kia Sorento»-ն ու «Nissan March»-ը. կան տուժածներ

25.11.2024 ● 12:37

3 հոգի տեղափոխվել են «Աշտարակ» բժշկական կենտրոն:

Հայտնի մտավորական գործիչները և գիտության ոլորտի ներկայացուցիչներն՝ ընդդեմ քաղաքային տրանսպորտի թանկացման․ հայտարարություն

25.11.2024 ● 12:33

Օրվա քաղաքային իշխանությունների ձեռամբ, դամոկլյան սրի պես, մի նոր աղետ է կախվում երևանցիների և մայրաքաղաքի հյուրերի գլխին։

Ի՞նչ խորհուրդներ տվեց ամերիկյան հայտնի տնտեսագետ Ջեֆրի Սաքսը Հայաստանին և հայ ժողովրդին

25.11.2024 ● 12:26

Սաքսի տեսակետները լայն քննարկման առարկա չդարձան, քանզի գավառական մթնոլորտում ապրող հայ քաղաքական դասը չէր կարող այն ընկալել, որ մի հատ էլ դրանք քննարկման առարկա դարձներ: