Տնտեսագիտության դոկտոր, պրոֆեսոր Թաթուլ Մանասերյանը լրագրողների հետ հանդիպման ժամանակ անդրադառնալով պետական կենսաթոշակների մասին ՀՀ օրենքի նախագծին՝ ասել է, թե կենսաթոշակային բարեփոխումները բավական լուրջ խնդիրների հետ են կապված։

-Պետք է հասնել այն նպատակին, որ Հայաստանում մարդիկ չվախենան ծերությունից, այլ հանգիստ ու ապահով ծերություն ունենան։ Ապահով՝ գոնե նվազագույն պահանջները բավարարելու համար, և ունենան նաև ընտրության հնարավորություն՝ ունենան նվազագույնը,-նշել է նա։

Ըստ Թաթուլ Մանասերյանի՝ օրենքը պետք է հստակ լինի, և կուտակային այդ հիմանադրամը չպետք է պատասխանատվությունից խուսանավելու հնարավորություն ունենա։

-Գիտք, որ հնարավորություն կարող է ընձեռվել այդ միջոցներով ներդրումներ կատարել, բայց նախագծում խիստ խոցելի եմ համարում սնանկության մասին վերապահումը, որ հնարավոր է՝ սնանկանա, և թե այդ պատասխանատվությունը ով պետք է կրի, բավական անորոշ է։ Այս կատեգորիաները պետք է հիմնովին վերացվեն,–հավելել է նա։

7or.am