«Զենքի մասին» ՀՀ օրենքն ընդունվել է 1990թ. և կարգավորում է քաղաքացիական, ծառայողական ու ձեռքի մարտական հրաձգային զենքի կամ սառը զենքի շրջանառությունը ՀՀ տարածքում։ Այդ մասին այսօր լրագրողների հետ հանդիպման ժամանակ ասել է ՀՀ ոստիկանության հասարակական կարգի ապահովման վարչության պետի տեղակալ, ոստիկանության գնդապետ Կարեն Մեհրաբյանը։

Նա տեղեկացրել է, որ Հայաստանում ներկայում հաշվառված է քաղաքացիներին պատկանող 45 822 միավոր զենք, որոնց մեջ ներառված են որսորդական, գազային, պարգևատրական զենքեր և հավաքածուներ։

Կարեն Մեհրաբյանը նշել է, որ գործող օրենսդրության համաձայն՝ 18 տարին լրացած ՀՀ քաղաքացին իրավունք ունի ձեռք բերելու միայն քաղաքացիական զենքի տեսակներ՝ ներկայացնելով օրենքով սահմանված որոշակի փաստաթղթեր.

-Ծառայողականի և մարտականի մասին խոսք լինել չի կարող,-ավելացրել է Կ. Մեհրաբյանը։

7or.am