«Ե՛վ, և՛»–ային շրջագայություններ

● Մեկնաբանություն

23.10.2015 ● 13:45

«Ե՛վ, և՛»–ային շրջագայություններ

Սերժ Սարգսյանը սահմանադրական փոփոխությունները պատրաստելուց ազատ ժամանակ մեկնում է Ռուսաստան, ԱՄՆ, Իսպանիա և այլ երկրներ։

Նրա արտասահմանյան այցերին տրվում է պաշտոնական տեսք։ «Զվարթնոց» օդակայան գնալիս ու գալիս փակվում են համապատասխան փողոցները, ոստիկանները անհանգիստ գոռգոռում են վարորդների վրա ու բացում ՀՀԿ նախագահի ավտոշարասյան ճանապարհը, մի խոսքով՝ «շուխուր» է առաջանում, ու բոլորն իմանում են, որ Սերժ Սարգսյանը մեկնում է արտերկիր, կամ որ արդեն գալիս է։

Սարգսյանի մեկնելու և ժամանելու մասին բոլորն իմանում են, բայց այդպես էլ անհայտ է մնում, թե ինչ պետական խնդիրներ են լուծվում այդ այցերի ժամանակ։

Դե, իսկ անհայտ են մնում Սերժ Սարգսյանի այցերի արդյունքներն այն պարզ պատճառով, որ դրանք պարզապես չկան։ Բացառություն են կազմում այն դեպքերը, երբ հայտնի են դառնում այցերի բացասական արդյունքները։ Ասել է թե՝ Սարգսյանի այցերը կարելի է բաժանել երկու խմբի՝ 1. Հայաստանի համար ոչ նպաստավոր տնտեսական ու քաղաքական արդյունքներով այցեր և 2. Հայաստանի համար ոչ նպաստավոր տնտեսական արդյունքներով այցեր։

Առաջին խմբին կարելի է դասել բոլոր այն այցերը, որոնք տեղի էին ունենում «նախաձեռնողական» արտաքին քաղաքականության շրջանակներում։ Հայաստանն այդ ամենի հետևանքով դարձավ Ֆուտբոլի գնդակ և հայտնվեց Կրեմլի «պադվալում»։

Երկրորդ խմբին են պատկանում բոլոր այն այցերը, որոնք Սերժ Սարգսյանն իրականացնում է որպես զբոսաշրջիկ։ Իհարկե, ՀՀԿ ղեկավարի իրավունքն է զբոսաշրջիկի կարգավիճակով այցելել ԱՄՆ, Իսպանիա և այլ վայրեր, բայց խնդիրն այն է, որ դա արվում է պետական բյուջեի կամ ստվերային ծախսարարների հաշվին, ինչը չի կարող տնտեսապես չվնասել ՀՀ–ին։

Փաստորեն, ստացվում է, որ Սարգսյանը տանը մնալիս սկսում է Սահմանադրությունը «բզբզել», իսկ դուրս գնալիս՝ մեր ֆինանսական ռեսուրսները քամուն տալ։ Երկու դեպքում էլ տուժողը Հայաստանն է ու ՀՀ քաղաքացին։

Կարեն Հակոբջանյան

● Այս խորագրի վերջին նյութերը

Նիկոլն ուզում է Գյումրին վերածել թմրամոլության որջի

12.11.2024 ● 11:28

Սարուխանյան Կարենը տիպիկ նիկոլական թեկնածու է՝ զզվելի, անգրագետ, անդուր, փողասեր, չտես, մուտիլովչիկ, բանսարկու։ Դե հաստ գլուխն էլ՝ ձեզ «փեշքեշ»։

Ընտրակեղծիքը շարունակվում է․ ինչու է Նիկոլ Փաշինյանը թաքցնում արտահերթ ընտրությունների ժամկետը

03.11.2024 ● 16:02

Խիարը մի շատ «նագլի» հատկություն ունի՝ թարս բուսնելու։ Հատկապես գյումրեցիներն են սիրում թարս բուսնեցնել խիարը բոլոր նրանց համար, ովքեր կարծում են, որ ինչ և ինչպես ուզեն կանեն գյումրեցիների հետ։

Անհաջող մարդու «հաջողակ» կինը. Աննա Հակոբյանը գնում է Մեհրիբանի հետքերով

01.11.2024 ● 16:14

Նիկոլը որպես տղամարդ «պադկաբլուչնիկ» է: Չի բացառվում, որ Աննան որոշել է ֆորմալիզացնել ոչ ֆորմալը և զբաղեցնել ամուսնու տեղը, ինչը ենթադրում է միջնադարյան ոճի պալատական խարդավանքներ:

Հետընտրական կեղծիք, դավաճանություն և դասալքություն Գյումրիում

30.10.2024 ● 13:37

Բալասանյանենք դասալքություն են արել։ Փախել են, համ էլ՝ փախած տեղից իրենց վերջին վնասներն են ուզում տալ Գյումրիին։ Գյումրիի ու գյումրեցու հաշվին հարստացան, հիմա էլ «զդաչին» են տալիս։

Ովքեր են քաղաքային տրանսպորտի թանկացման հեղինակները և ով է անբարոյականի վաստակը

28.10.2024 ● 14:21

Մայրաքաղաքի բնակիչները և հյուրերը պետք է ճանաչեն իրենց գրպանը մտնողներին։ Դրանք են՝ Նիկոլ Փաշինյանը, Տիգրան Ավինյանը, Սուրեն Գրիգորյանը (սա լեզվանի փոխքաղաքապետն է), Արամ Զավենովնան և Վահան Ավագյանը։