«Նոր Ժամանակներ» կուսակցության նախագահ Արամ Կարապետյանը մամլո ասուլիսի ժամանակ ասել է, թե իր համար անհասկանալի է, թե ինչպես կարող է Ղարաբաղի ազատագրված շրջաններում փաստահավաք առաքելություն իրականացնող խմբի ստեղծումը հայկական կողմի համար հաղթանակ համարվել։

-ՄԱԿ-ում  բանաձևը չքննարկվեց, բայց դաշտային առաքելությունը ստեղծվեց, եկավ շրջաններ, դեռ չգիտենք էլ՝ ինչ է գրելու, բայց  Շարմազանովը ասաց, թե  մենք հաղթանակ տոնեցինք։ Հիմա դուք ոնց էլ փորձեք հասկանալ, թե հաղթանակը որտե՞ղ է, մեկ  է՝ պետք է ասենք հաղթանակ տոնեցինք և «ուռա՜» պետք է գոռալ։ Բայց ինչո՞ւ։ ՄԱԿ-ում բանաձևը չքննարկվեց, բայց եռանախագահողները քցվեցին Ալիևի մոտ, համաձյանեցին, որ դաշտային առաքելությունը ստեղծվի, իսկ դա այն էր, ինչ  ուզում էր Ալիևը։ Եվ դրանից հետո պարզվեց, որ  մենք հաղթանա՞կ ենք տոնել,-ընդգծել  է նա։

Արամ Կարապետյանի խոսքերով՝ ինքը չգիտի՝  ինչ սպասել ԵԱՀԿ-ի այդ փաստահավաք առաքելությունից, որովհետև  պահից է կախված լինելու։

-Թե ինչ կգրի դաշտային առաքելությունը, կախված է նրանից, թե Մինսկի խմբի նախագահները երկրներից ո՞ր մեկին են ուզում իջեցնել, որ թուղթ ստորագրեն. Հայաստանի՞ն է պետք ճնշել, ուրեմն կգրեն, որ այնտեղ այսպիսի գործողություններ են եղել, պետք է նեյտրա՞լ լինել՝ կգրեն նեյտրալ, պետք է Ադրբեջանի՞ն է ճնշել՝ այդպես կգրեն՝ չնայած Ադրբեջանի նախագահ Ալիևի՝ Օբամայի հետ հանդիպումից հետո դժվարանում եմ պատկերացնել,  թե Ադրբեջանին դեմ ինչ-որ բան անեն,-նշել է նա։

Այն հարցին, թե Ղարաբաղի հարցում մինչև 2012-2013թթ. հնարավո՞ր է որևէ շրջադարձային բան լինի, Արամ Կարապետյանը պատասխանել է՝ այո։

-Երկու տարբերակ կարող է լինել. կա՛մ փաստաթուղթ կստորագրվի, և կպարտադրվեն պայմաններ, կա՛մ Ադրբեջանը կհասնի նրան, որ կփոխվի ձևաչափ, իսկ դա մոտավորապես նույն բանը կլինի, ինչ Մինսկի խումբը։ Միգուցե Թուրքիան մտնի, միգուցե Իրանը  մտնի,  միգուցե Ուզբեկստանը մտնի,-հավելել է նա։

7or.am