Ինչպես հայտնել էինք, դեկտեմբերի 6–ի սահմանադրական հանրաքվեի օրը 9/21 ընտրատեղամասում կեղծիքների և լցոնումների դեմ պայքարած պատմության ուսուցչին դեկտեմբերի 10–ին հեռացրել էին աշխատանքից։ Կարպիս Փաշոյանը դասավանդում էր Սիլվա Կապուտիկյանի անվան թիվ 145 դպրոցում։

Կարպիս Փաշոյանի ֆեյսբուքյան էջում կրթահամալիրի ներկայացուցիչ Լիլիթ Թադևոսյանը գրել է. «Հարգելի Կարպիս Փաշոյան,

ֆեյսբուքյան գրառումներից տեղեկանալով, որ Ձեզ հեռացրել են Սիլվա Կապուտիկյանի անվան N 145 դպրոցից սահմանադրական հանրաքվեի ժամանակ ընտրակեղծիքների դեմ պայքարելու համար, «Երևանի Անանիա Շիրակացու անվան ճեմարան» կրթահամալիրի տնօրինությունը հրավիրում է Ձեզ համագործակցության:

Հուսով ենք, որ համագործակցության կայացման դեպքում մեր կրթահամալիրի սաներին կդարձնեք Ձեզ պես իսկական քաղաքացիներ:

Սիրով Կսպասենք Ձեր արձագանքին»։

7or.am