Հունվարի 12-ին՝ ժամը 02.43-ին, ՏԿԱԻՆ–ում ահազանգ է ստացվել, որ Սոթք-Քարվաճառ ավտոճանապարհի 34-րդ կմ-ում «Ռենո» մակնիշի ավտոմեքենան արգելափակվել է ձնակույտում. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարներն արգելափակումից դուրս են բերել «Ռենո» մակնիշի 34SV632 պ/հ մակնիշի (վարորդ Է. Ա.) և «Գազ-3110» մակնիշի 34AL757 պ/հ (վարորդ Գ. Վ.) ավտոմեքենաները (4 ուղևոր):

***

Հունվարի 12-ին, ժամը 00.28-ին ահազանգ է ստացվել, որ ավտոմեքենան արգելափակվել է Սոթք-Քարվաճառ ավտոճանապարհին. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարներն արգելափակումից դուրս են բերել «Ֆորդ տրանզիտ» մակնիշի (վարորդ Լ. Դ.) 13ՍՍ316 պ/հ ավտոմեքենան:

***

Հունվարի 11-ին՝ ժամը 18.00-ին, ահազանգ է ստացվել, որ Ալագյազ-Ծաղկահովիտ ավտոճանապարհին ավտոմեքենան արգելափակվել է ձնակույտում. ավտոմեքենան արգելափակումից դուրս բերելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարները Սարալանջ գյուղի մոտակայքից արգելափակումից դուրս են բերել Գ. Տ.-ին պատկանող «Ֆորդ Տրանզիտ» մակնիշի 91TQ111 պ/հ ավտոմեքենան (2 ուղևոր):