Այսօր «The Beatles»-ի համաշխարհային օրն է

● Աշխարհ

16.01.2016 ● 21:28

Այսօր «The Beatles»-ի համաշխարհային օրն է

Սկսած 2001 թվականից՝ ՅՈՒՆԵՍԿՕ-ն հունվարի 16-ը նշում է որպես «Բիթլզի» համաշխարհային օր:

«Բիթլզ» (The Beatles) բրիտանական աշխարհահռչակ ռոք-խումբը ստեղծվել է 1960 թվականին: Լեգենդար խմբի անդամներն էին Ջոն Լենոնը (ռիթմ-կիթառ, սոլո-կիթառ, բաս-կիթառ, ստեղնաշար, փողային գործիքներ, հարվածային գործիքներ, վոկալ), Փոլ Մաքքարթնին (բաս-կիթառ, ստեղնաշար, հարվածային գործիքներ, կիթառ, վոկալ), Ջորջ Հարրիսոնը (սոլո-կիթառ, ռիթմ-կիթառ, սիթառ, ստեղնաշար, հարվածային գործիքներ, վոկալ) և Ռինգո Սթարը (հարվածային գործիքներ, ստեղնաշար, վոկալ):

Ինչպես նաև տարբեր ժամանակներում խմբի կազմում են եղել Փիթ Բեստը (հարվածային գործիքներ, վոկալ), Ստյուարտ Սատկլիֆը (բաս-կիթառ, վոկալ) և Ջիմի Նիկոլը (հարվածային գործիքներ): 1950-ականներին սկսելով հետևել ամերիկյան դասական ռոք-ն-ռոլին՝ «Բիթլզը» եկավ իր սեփական ոճին և հնչողությանը:

«Բիթլզը» զգալի ազդեցություն ունեցավ ռոք երաժշտությանը և մասնագետների կողմից ճանաչվել է որպես 20-րդ դարի ամենահաջող խմբերից մեկը ինչպես ստեղծագործական, այնպես էլ կոմերցիոն առումով: Շատ ռոք երաժիշտներ խոստովանում են, որ դարձել են այդպիսին «Բիթլզի» երգերի ազդեցությամբ: Խումբը համաշխարհային ճանաչում ստացավ 1963 թվականին` «Please Please Me/Ask Me Why» սինգլի թողարկումից հետո և իր ստեղծարարությամբ սկիզբ դրեց գլոբալ մի երևույթի՝ «բիթլմանիա» անունով: Քառյակը դարձավ բրիտանական առաջին խումբը, որի ձայնասկավառակները մեծ ճանաչում ձեռք բերեցին ԱՄՆ-ում և գրավեցին առաջին հորիզոնականները: Խմբի երաժիշտներին, իրենց պրոդյուսերին և ձայնային ռեժիսոր Ջորջ Մարտինին են պատկանում ձայնագրության բնագավառի նորարարություններ՝ տարբեր ոճերի համադրությունը, այդ թվում՝ սիմֆոնիկ և փսիխոդելիկ երաժշտությունը, ինչպես նաև տեսահոլովակների նկարահանումը։

«Բիթլզի» ստեղծագործությունների մեծամասնությունը ստեղծված են համահեղինակային ու ստորագրված Ջոն Լենոնի և Փոլ Մաքքարթնիի անուններով: «Rolling Stone 500» ցուցակում առաջին տեղը զբաղեցնում է «Sgt. Pepper’s Lonely Hearts Club Band» ալբոմը (և ևս չորս ալբոմ առաջին տասնյակում): «The Beatles» ալբոմը ԱՄՆ-ում 19 անգամ ճանաչվեց պլատինե: Խումբը նվաճել է 7 Գրեմմի մրցանակ: «Let it Be» ֆիլմը ստացավ երկու «Օսկար» մրցանակ: Խմբի չորս անդամներն էլ, ի նշան երկրի առաջ իրենց արժանիքի, պարգևատրվել են Բրիտանական կայսրության շքանշանով։ Ըստ «Rolling Stone» ամսագրի՝ «Բիթլզը» «բոլոր ժամանակների 50 լավագույն կատարողների» ցուցակում զբաղեցնում է առաջին տեղը։

«Բիթլզի» անդամները դադարեցրին իրենց համատեղ աշխատանքը 1970 թվականին, չնայած դեռ 1967-ին Փոլը և Ջոնը շոուբիզնեսում կատարում էին սեփական նախագծերը: Իսկ արդեն խմբի լուծարումից հետո խմբի անդամներից յուրաքանչյուրը շարունակեց իր սոլո կարիերան: 1980 թվականին սեփական տան մոտ սպանվեց Ջոն Լենոնը, 2001-ին քաղցկեղից մահացավ Ջորջ Հարրիսոնը: Փոլ Մաքքարթնին և Ռինգո Սթարը շարունակում են ստեղծագործել:

7or.am

● Այս խորագրի վերջին նյութերը

Վրաստանում հատուկջոկատայինները ցրել են Թբիլիսիի կենտրոնում ցուցարարների վրանային ճամբարը (տեսանյութ)

19.11.2024 ● 09:40

Ցուցարարների և ոստիկանների միջև բախումներ են սկսվել, և մի քանի մարդ ձերբակալվել է:

Նոյեմբերի 19-ը Տղամարդկանց միջազգային օրն է

19.11.2024 ● 09:37

1999թ. այն առաջին անգամ այն տոնել են Տրինիդադ և Տոբագոյում։

Ադրբեջանն ավերել է օկուպացված Արցախի Տանձատափ եկեղեցին

18.11.2024 ● 22:09

«Քանի որ համաշխարհային առաջնորդները Բաքվում հավաքվում են COP29 գագաթնաժողովին՝ ապագայի համար որոշումներ առաջ մղելու համար, նրանք նաև պետք է Ադրբեջանին կոչ անեն պաշտպանել անցյալը, մասնավորապես՝ իրենց տներից վտարված արցախահայերի մշակութային ժառանգությունը»:

631 հայկական բեռնատարներ սպասում են Լարսն անցնելուն

17.11.2024 ● 17:44

Վերին Լարսն անցնելուն սպասող տրանսպորտային միջոցների մեկ երրորդը հայկական է:

Այսօր Ուսանողության միջազգային օրն է

17.11.2024 ● 10:26

Նոյեմբերի 17-ին զավթիչները շրջապատել են ուսանողական հանրակացարանները, շուրջ 1200 ուսանողի ձերբակալել և Զաքսենհաուզենի համակենտրոնացման ճամբար են ուղարկել:

«Մանկական Եվրատեսիլ 2024». հաղթեց Վրաստանը, Հայաստանը 8-րդն է (տեսանյութ)

16.11.2024 ● 23:08

Ժյուրիի քվեարկության արդյունքում Լեոն հավաքեց 76 միավոր, հեռուստատիտողների կողմից՝ 49 միավոր՝ ընդհանուր առմամբ հավաքելով 125 միավոր:

Կինոռեժիսոր Սամվել Թադևոսյանը կոչ է անում միանալ տրանսպորտի թանկացման դեմ ստորագրահավաքին (տեսանյութ)

Երևանում անանցանելի խցանումներ են (տեսանյութ)

Կենդանասերները բողոքի ակցիա են իրականացնում քաղաքապետարանի մոտ (տեսանյութ)

● Աշխարհ